Archifau Categori: trosglwyddo

Adroddiad 5 mlynedd Comisiynydd y Gymraeg ac ail adroddiad y Comisiwn Cymunedau Cymraeg

Mae Statiaith wedi cael cydnabyddiaeth mewn dau adroddiad diweddar: mewn troednodyn i Adran 6 ‘Oes yna ffyrdd eraill o roi siaradwyr Cymraeg ar fap’ adroddiad 5-mlynedd Comisiynydd y Gymraeg ac yn adran 3.1.3 ‘Trosglwyddo ac ystadegau gwladol sosioeconomaidd (NS-SEC)’ ail adroddiad y Comisiwn Cymunedau Cymraeg.

Cyfeirio at https://statiaith.com/blog/mapiau-cyfrifiad-2021/symudiadau-siaradwyr-cymraeg-ar-ddiwrnod-gwaith-2021/ y mae’r cyntaf, a’r ail yn cyfeirio at https://statiaith.com/cymraeg/cyfrifiad2021/dadansoddiad_trosglwyddo_a_ns_sec.html

Trosglwyddo’r Gymraeg: dadansoddiad cychwynnol

Cyhoeddwyd y data cyntaf o Gyfrifiad 2021 oedd yn ymwneud â throsglwyddo’r Gymraeg gan Lywodraeth Cymru ar 8 Mehefin 2023 (https://www.llyw.cymru/cyfansoddiad-cartrefi-yng-nghymru-o-ran-y-gymraeg-cyfrifiad-2021). Rwyf wedi ychwanegu dadansoddiad o’r data hwnnw i’r wefan. Edrych ar ddata’r awdurdodau lleol (o Gyfrifiad 2021 a 2011) y mae yn bennaf. Rwy’n ei gyhoeddi nawr ychydig cyn bod rhagor o ddata i fod i ymddangos ar 1 Mai, a’r data hwnnw’n cynnwys manylion am ryw rhieni y plant. Yn sgil cyhoeddi’r data yna, bwriadaf ychwanegu at, neu ddiweddaru, y dadansoddiad rwy’n ei ryddhau nawr: https://statiaith.com/cymraeg/trosglwyddo/cyfrifiad/2021/dadansoddiad_trosglwyddo_26042024.html